Crime : अल्पवयीन मुलाचे चोभेवाडी येथून अपहरण

जामखेड : नान्नज येथील नंदादेवी हायस्कूल येथून चोभेवाडीतील एका १५ वर्षीय मुलाचे अपहरण झाले. याबाबत मुलाच्या वडिलांनी जामखेड पोलिसांत गुन्हा दाखल केला आहे.

रोहन कल्याण कुमटकर असे अपहरण झालेल्या मुलाचे नाव आहे. चोभेवाडील शेतकरी कल्याण कुमटकर यांचा १५ वर्षीय मुलगा रोहन हा नान्नज येथील नंदादेवी हायस्कूलमध्ये शिक्षण घेत आहे. मंगळवारी सकाळी साडेदहाच्या सुमारास अज्ञात व्यक्तीने त्याला फूस लावून पळवून नेले.

याबाबत जामखेड पोलिस ठाण्यात फिर्याद दिली आहे. रोहन हा विद्यार्थी कोणाच्या निदर्शनास आल्यास जामखेड पोलिस ठाण्याशी संपर्क करावा, असे आवाहन करण्यात आले आहे. (०२४२१-२२१०३३ अथवा मो. ९७६७५६७१८७, ९६९९८४८१८०) या मोबाईल क्रमांकावर संपर्क साधण्याचे आवाहन जामखेड पोलिसांनी केले आहे. याबाबत पुढील तपास पोलिस निरीक्षक संभाजी गायकवाड यांच्या मार्गदर्शनाखाली पोलिस उपनिरीक्षक अनिल भारती हे करत आहेत.