Ahmednagar : लम्‍पी आजाराला शेतकऱ्यांनी घाबरून नये : झावरे पाटील | Sakal
sakal

बोलून बातमी शोधा

Lumpy Virus

Ahmednagar : लम्‍पी आजाराला शेतकऱ्यांनी घाबरून नये : झावरे पाटील

टाकळी ढोकेश्वर : महाराष्ट्र सरकारने लंपी आजाराची गांभीर्याने दखल घेऊन तातडीने उपाययोजना करण्यास सुरुवात केली. लंपी आजाराला शेतकऱ्यांनी घाबरून न जाता सतर्क रहावे, असे आवाहन जिल्हा परिषदेचे माजी उपाध्यक्ष सुजित झावरे पाटील यांनी केले.

सारोळा आडवाई (ता. पारनेर) येथे पशू संवर्धन विभागामार्फत जनावरांच्या लसीकरण मोहीमेस प्रारंभ करण्यात आला. त्यावेळी ते बोलत होते. उद्योजक संदीप कपाळे, सोपान मुंजाळ, शंकर महांडूळे, सतीश महांडूळे, सुरेश फंड, काशिनाथ फंड, भाऊसाहेब महांडूळे, शोभा फंड, उत्तम फंड, सुनिल शिंदे, अरुण फंड, पशू वैद्यकीय अधिकारी डॉ. राठोड उपस्थित होते.

झावरे म्हणाले, की राज्यात सगळीकडे गाय व बैलांमध्ये लंपी आजाराची लागण झाल्याचं पाहायला मिळत आहे. तालुक्यातील काही गावांमध्ये जनावरांना या रोगाची लागण झाली आहे. राज्याचे पशूसंवर्धन मंत्री राधाकृष्ण विखे पाटील यांची भेट घेऊन याबाबत तालुक्यातील या गावांमध्ये जनावरांचे लसीकरण करण्याची मागणी केली होती. पशूधन वाचवण्यासाठी सर्वांनी पुढाकार घ्यावा, असे आवाहनही त्यांनी केले.

Web Title: Lumpy Jhavere Patil Government Of Maharashtra Ahmednagar Farmer

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..