शारीरिक अत्याचार करणाऱ्या आरोपीला फाशी द्या - मनसेची मागणी

श्रीरामपूर (जि. अहमदनगर) : जळगाव (ता. राहाता) येथील चार वर्षांच्या चिमुरडीवर शारीरिक अत्याचार करणाऱ्या सबंधीत आरोपीला कठोर तसेच फाशीची शिक्षा देण्याची मागणी मनसेच्या (MNS) येथील पदाधिकारी व कार्यकर्त्यांनी केली आहे. या संदर्भात पोलिस प्रशासनाला महाराष्ट्र नवनिर्माण सेनाच्या वतीने निवेदन देण्यात आले.

दरम्यान, कर्नाटक येथे छत्रपती शिवाजी महाराज (Chhatrapati Shivaji Maharaj) यांच्या पुतळ्याची विटंबना करणाऱ्या समाजकंटकावर सरकारने कठोर कारवाई करण्याच्या मागणीचे निवेदन मनसेच्या वतीने पोलिस प्रशासनाला यावेळी देण्यात आले.

याप्रसंगी मनसेचे जिल्हाध्यक्ष बाबासाहेब शिंदे, डॉ. संजय नवथर, जिल्हा सचिव सुरेश जगताप, जिल्हा उपाध्यक्ष गणेश दिवसे, तालुकाध्यक्ष निलेश लांबोळे, शहराध्यक्ष, विशाल शिरसाट, सचिन सरोदे, अक्षय सुर्यवंशी उपस्थित होते.