धाकट्या भावाकडून थोरल्याच्या खून | Sakal
sakal

बोलून बातमी शोधा

crime

धाकट्या भावाकडून थोरल्याच्या खून

राहुरी - पिंपळगाव फुणगी येथे लहान भावाने मोठ्या भावाच्या डोक्यात कुऱ्हाडीने घाव घालून जीवे ठार मारले. मोठा भाऊ दारूच्या नशेत घरातील लोकांना शिवीगाळ व मारहाण करीत असल्याच्या सततच्या त्रासाला कंटाळून, लहान भावाने कुऱ्हाडीचा घाव घातल्याचे पोलिसांना सांगितले. आरोपी लहान भावाला अटक केली. त्याच्याविरुद्ध राहुरी पोलीस ठाण्यात खुनाचा गुन्हा दाखल केला आहे.

अमोल अरुण लोखंडे (रा. पिंपळगाव फुणगी) असे अटक केलेल्या आरोपीचे नाव आहे. राहुल अरुण लोखंडे (वय २६, रा. बनसोडे वस्ती, पिंपळगाव फुणगी) असे मृताचे नाव आहे. काल (सोमवारी) रात्री साडेआठ वाजता राहुल लोखंडे दारू पिऊन घरी आला. घरातील लोकांना शिवीगाळ करून, मारहाण करू लागला. आरोपी अमोल याने कुऱ्हाडीचा टोला डोक्यात घातला. तो घाव प्राणघातक ठरला. माहिती समजताच पोलीस निरीक्षक प्रताप दराडे यांनी घटनास्थळी धाव घेतली. आरोपीला तात्काळ अटक केली. पिंपळगाव फुणगीचे कामगार पोलीस पाटील संजय वनगे यांच्या फिर्यादीवरून आरोपीविरुद्ध खुनाचा गुन्हा नोंदविला आहे. पुढील तपास पोलिस उपनिरीक्षक चारुदत्त खोंडे करीत आहेत.

Web Title: Murder Of Elder By Younger Brother

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top