Ashadhi Wari : 'माउलींच्या जयघोषाने नेवासेनगरी दुमदुमली'; ज्ञानोबाच्या जयघोषात दिंडी सोहळ्यातील पहिले रिंगण

नेवासे शहर : संतश्रेष्ठ महावैष्णव श्री ज्ञानेश्वर महाराजांची कर्मभूमी असलेल्या तीर्थक्षेत्र नेवासे येथून ग्रंथराज श्री ज्ञानेश्वरी आषाढी पालखी दिंडीने टाळ मृदंगाच्या गजरात व ‘ज्ञानोबा माउली तुकाराम’चा जयघोष करत पंढरपूरकडे प्रस्थान केले. यावेळी ‘माउली माउली’च्या गजराने नेवासेनगरी दुमदुमली होती. नेवासे येथून  माउलींच्या निघालेल्या या पालखी दिंडी सोहळ्यामध्ये हजारो वारकरी भाविक सहभागी झाले होते.