कर्जत : कुस्तीला सुवर्णकाळ आणि गतवैभव प्राप्त करून देण्यासाठी अशा कुस्ती स्पर्धा गरजेच्या आहेत. अशा स्पर्धांतून संधी मिळत नवोदित मल्ल राज्याचे नाव देशात मोठे करतील. येथील उत्कृष्ट नियोजनासाठी राज्य कुस्तीगीर परिषदेच्या मान्यतेने रोहित पवार मित्र मंडळ, जिल्हा तालीम संघ आणि कर्जत कुस्तीगीर संघाचे कौतुक करावे तितके थोडे आहे, असे गौरवोद्‍गार राष्ट्रवादी काँग्रेस शरदचंद्र पवार पक्षाचे अध्यक्ष ज्येष्ठ नेते शरद पवार यांनी काढले.