नगर ः शहरातील दादा पाटील शेळके कृषी उत्पन्न बाजार समितीतील अवैध 28 गाळे पाडण्याच्या मागणीसाठी नगर तालुका विकास आघाडीचे नेते व शिवसेनेच्या नगरसेवकांनी आज महापालिका आयुक्त श्रीकांत मायकलवार यांच्या दालनात ठिय्या आंदोलन केले.
आयुक्तांनी आठ दिवसांत या प्रकरणी शहानिशा करून योग्य ती कारवाई करण्याचे आश्वासन दिले.
बाजार समितीच्या आवारात सत्ताधाऱ्यांनी अवैधरित्या 28 गाळे बांधल्याचा आरोप नगर तालुका महाविकास आघाडी व नगर शहर शिवसेनेतर्फे करण्यात आला. हे गाळे तातडीने पाडावेत, अशी मागणी करीत नगर तालुका महाविकास आघाडीचे बाळासाहेब हराळ व शिवसेनेचे जिल्हाप्रमुख शशिकांत गाडे यांच्या नेतृत्त्वाखाली शिवसेना नगरसेवकांनी आयुक्तांच्या दालनात ठिय्या आंदोलन केले.
माजी महापौर भगवान फुलसौंदर, शहरप्रमुख दिलीप सातपुते, संभाजी कदम, अनिल शिंदे, संजय शेंडगे, स्मिता अष्टेकर, योगीराज गाडे, दत्ता कावरे, राजेंद्र भगत आदी उपस्थित होते.
आयुक्तांनी आठ दिवसांत कारवाईचे आश्वासन दिले. आठ दिवसांत कार्यवाही न झाल्यास नगर तालुका विकास आघाडीतर्फे तीव्र आंदोलनाचा इशारा देण्यात आला.
संपादन - अशोक निंबाळकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.