राहुरी : शहरात राष्ट्रपुरुषांच्या पुतळ्याची विटंबना झाली. दोन दिवस गाव बंद होते. घटनेला १९ दिवस उलटले. अद्याप संशयित आरोपीला सुद्धा ताब्यात घेतले नाही. हिंदूंच्या व महापुरुषांच्या नावे मते मागणाऱ्या सरकारला घटनेचे गांभीर्य नाही. त्यामुळे आत्मक्लेष म्हणून उपोषण करीत आहे. सरकारने जागे व्हावे. आरोपींना अटक करावी; अन्यथा राज्यभर उद्रेक होईल, असा इशारा माजी मंत्री प्राजक्त तनपुरे यांनी दिला.