नगर : पोलिस अधिकाऱ्यांच्या बदल्या; 4 जणांना मुदतवाढ

अहमदनगर : जिल्ह्यातील पोलिस निरीक्षक, सहाय्यक निरीक्षक अिाण पोलिस उपनिरीक्षक दर्जाच्या अधिकाऱ्यांच्या बदल्या (police officers transfer) झाल्या आहेत. स्थानिक गुन्हे अन्वेषण शाखेचे पोलिस निरीक्षक अनिल कटके यांच्यासह तीन पोलिस निरीक्षकांना मुदतवाढ देण्यात आली. नाशिक परिक्षेत्राच्या विशेष पोलिस महानिरीक्षक अश्‍वती दोर्जे (Special Inspector General of Police Ashwati Dorje) यांनी याबाबतचा आदेश काढला आहे.

पोलिस अधिकाऱ्यांच्या बदल्या; कटकेंना मुदतवाढ

नाशिक परिक्षेत्रातील कार्यकाळ पूर्ण झालेल्या पोलिस अधिकाऱ्यांच्या बदल्या करण्यात आल्या आहेत. स्थानिक गुन्हे अन्वेषण शाखेचे निरीक्षक कटके यांच्यासह पोलिस निरीक्षक बाजीराव पोवार यांनाही मुदतवाढ देण्यात आली आहे. पोलिस निरीक्षक अभय परमार यांची सेवानिवृत्ती काळ जवळ आल्याने त्यांनाही मुदतवाढ देण्यात आली आहे. पोलिस निरीक्षक पांडुरंग पवार, दौलत जाधव आणि वसंत पाथवे यांची नाशिक ग्रामीणला बदली झाली आहे. सहाय्यक निरीक्षक राजेश गवळी यांची नाशिक, दिलीप राठोड यांची जळगावला बदली झाली आहे. पोलिस उपनिरीक्षक माधव केदार, सुरज मेढे, रावसाहेब त्रिभुवन, प्रकाश गवळी, दिलीप बोडके यांची नाशिक ग्रामीणला बदली झाली आहे.