हिंगोली बाजार समितीत हळदीची आवक वाढली | Sakal
sakal

बोलून बातमी शोधा

Turmeric

हिंगोली बाजार समितीत हळदीची आवक वाढली

हिंगोली: हिंगोली बाजार समितीच्या संत नामदेव मार्केट यार्डात हळद मोठ्या प्रमाणावर विक्रीसाठी आली आहे. हिंगोली जिल्ह्यासह आजूबाजूच्या जिल्ह्यातील तसेच विदर्भातूनही हळद येत आहे. सध्या हळदीला सहा ते आठ हजार रुपये प्रतिक्विंटल भाव मिळत असल्यामुळे हळद उत्पादक शेतकऱ्यांनी देखील समाधान व्यक्त केले आहे.

हिंगोली येथील हळदीचे मार्केट सर्वदूर प्रसिद्ध आहे. येथील बाजार समितीमध्ये जिल्हाभरासह विदर्भातील हळद उत्पादक मोठ्या प्रमाणात हळद विक्रीसाठी घेऊन येतात. येथील बाजार समिती मध्ये हळदीला चांगला दर मिळत असल्याने हळद उत्पादक हळद विक्रीसाठी आणतात. दरम्यान, होळी व धुलीवंदनामुळे बाजार समिती बंद असल्याने दोन दिवसापासून बाजार समितीच्या संत नामदेव मार्केट यार्डात हळदीची आवक वाढली आहे. यात जिल्ह्यासह विदर्भातील हळद विक्रेते वाहनातून हळद विक्रीसाठी घेऊन आले आहेत.

मागच्या काही दिवसापासून हळदीचे दर स्थिर असून आवक मात्र वाढली आहे. मार्केटमध्ये शेकडो वाहनातून सहा ते सात हजार हळदीच्या पोत्याची आवक झाली आहे. हळदीला सहा ते आठ हजार रुपये दर मिळाला आहे. सुट्ट्यानंतर हळदीचे दर वाढतील अशी हळद उत्पादकांना आशा होती, मात्र आवक मोठ्या प्रमाणावर झाल्याने आणि दर स्थिर असल्यामुळे काही शेतकऱ्यानी नाराजी व्यक्त केली.

होळी, धूलिवंदनामुळे बाजार समिती बंद होती. ती सुरू झाल्याने हळद विक्रीसाठी आणली होती. भाव वाढतील अशी अपेक्षा होती. मात्र आवक वाढल्याने भाव स्थिर होते.

एकनाथ नागरे. हळद उत्पादक शेतकरी.

Web Title: Turmeric Increased Hingoli Market Committee Rate Six To

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top