गावठी पिस्तुलासह नेवाशात दोघांना अटक

सोनई - गावठी पिस्तुलाचा धाक दाखवून जीवे मारण्याची धमकी दिल्याप्रकरणी नेवासे पोलिसांनी दोन आरोपीस अटक केली आहे. याबाबत नेवासे पोलिस ठाण्यात फिर्याद दाखल केली आहे. शुक्रवारी (ता.२०) रात्री दहा वाजता एका हॉटेलसमोर एकास भ्रमणध्वनीवरुन बोलणे करुन दिल्याचा राग येवून स्कॉर्पिओमध्ये (एम. एच. १६, ३०३५) येऊन जीवे मारण्याची धमकी देण्यात आली होती.

पोलिस निरीक्षक विजय करे यांच्या मार्गदर्शनाखाली सहायक पोलिस निरीक्षक ज्ञानेश्वर थोरात, फौजदार समाधान भाटेवाल व पथकाने गावठी पिस्तुल व जिवंत काडतूससह मंजाबापू चोपडे (रा. तामसवाडी) व विलास आयनर (रा. अंमळनेर, ता.नेवासे) या दोघास अटक करण्यात आली. गुड्डू शेटे व अन्य तीन आरोपी पळून गेले आहेत. नेवासे न्यायालयाने आरोपीस बुधवार (ता.२५) पर्यंत पोलिस कस्टडी सुनावली आहे.