राजू-राणी दोघेही होते विवाहित, शेवटचे सापडले रेल्वेरूळावर

श्रीगोंदे : तालुक्यातील येळपणे येथील राजू बाबा कोळपे (वय ३८) व राणी राजेंद्र साबळे (वय ३०) यांनी मनमाड-दौंड लोहमार्गावरील महादेववाडी शिवारात रेल्वेखाली आत्महत्या केली आहे.  ही दुर्देवी घटना सोमवारी रात्री घडली. हे दोघे एकाच गावातील रहिवासी असून दोघे विवाहित आहेत. पोलिसांनी अकस्मात मृत्यूची नोंद केली आहे.

समजलेली अधिक माहिती अशी ः राजू व राणी दोघे विवाहीत होते. त्या दोघांचे मृतदेह एकाच ठिकाणी रेल्वे रुळावर आढळल्याने खळबळ उडाली आहे.  

सोमवारी सकाळी अकरा वाजता दोघेही घरातून गायब झाले. यातील राणी साबळे ही हरवल्याची तक्रार बेलवंडी पोलिस ठाण्यात दाखल केली.

सोमवारी रात्री उशीरा दोघांनी महादेववाडी शिवारात रेल्वेखाली आत्महत्या केली. या घटनेनंतर  येळपणे परिसरात खळबळ उडाली आहे. दोघांनी आत्महत्या का केली हे स्पष्ट झाले नाही. ते पोलिस तपासानंतर स्पष्ट होईल. अहमदनगर