वजन, दराची माहिती मोबाईलवर 

Weight, rate information on mobile
Weight, rate information on mobile

श्रीरामपूर : बाजार समितीत विक्रीस आणलेल्या कांद्याचे वजन व दराची माहिती संबंधित शेतकऱ्याच्या मोबाईलवर पाठविण्याची सुविधा बाजार समितीने सुरू केली आहे. या उपक्रमामुळे शेतकऱ्याला कांद्याचे वजन व दराची माहिती तत्काळ मिळणे सोयीस्कर झाले आहे.

शेतकऱ्यांच्या सोयीसाठी बाजार समितीत कांदालिलाव रोज होत असल्याने आवकही वाढली आहे. आज 13 हजार 960 कांदागोण्यांची आवक झाली. 

शेतकऱ्यांनी बाजारात आणलेल्या उच्च प्रतीच्या कांद्यास आज एक हजार रुपये दर मिळाला. लॉकडाउन काळात कांदालिलाव ठप्प झाले होते. प्रारंभी काही काळ येथील लिलाव सुरू करण्यात आले; मात्र वाढती गर्दी लक्षात घेता, प्रशासनाच्या सूचनेनंतर पुन्हा ते बंद ठेवण्यात आले. त्यामुळे शेतकऱ्यांची अडचण झाली होती.

लॉकडाउनमध्ये कांदा पडून असल्याने तो खराब होण्याची वेळ आली होती. प्रशासनाने लॉकडाउन शिथिल केल्यानंतर लिलाव हळूहळू सुरळीत होत आहेत. बाजार समितीने रोज लिलाव करण्याचा निर्णय घेतला आहे. 

सध्या येथील बाजार समितीत दिवसेंदिवस कांद्याची आवक वाढत आहे. सलग तीन दिवस कांद्याच्या दरात 300 रुपयांनी वाढ झाली. बाजारात सध्या 20 टक्के चांगला, तर 80 टक्के निवडलेला कांदा येत आहे. एकीकडे पावसात कांदा भिजण्याची भीती, तर दुसरीकडे खरिपाची लगबग सुरू असल्याने शेतकरी कांदाविक्री करीत आहेत.

लॉकडाउननंतर आता बाजार सुरळीत होत असून, येथून आंध्र प्रदेश, कर्नाटक, उत्तर प्रदेश, बिहारमध्ये कांदा पाठविला जातो. आठ दिवसांत येथून 400 मालमोटारींतून 80 हजार कांदागोण्या परराज्यांत गेल्या आहेत. सध्या पूर्ण क्षमतेने लिलाव होत असल्याने तालुक्‍यासह वैजापूर तालुक्‍यातील शेतकरी येथे कांदा विक्रीसाठी आणतात.

उच्च प्रतीचा कांदा 700 ते एक हजार रुपये, मध्यम प्रतीसाठी 400 ते 660 रुपये, तर जोडकांद्यास 100 ते 300 रुपये दर आज मिळाला. 

कांद्याचे वजन व मिळालेल्या दराची माहिती मोबाईलद्वारे मिळावी, अशी शेतकऱ्यांची मागणी होती. ही सुविधा आता सुरू झाल्याने शेतकऱ्यांना तातडीने माहिती मिळत आहे. याबरोबरच लिलावाची रक्कम त्याच दिवशी सायंकाळपर्यंत शेतकऱ्यांच्या बॅंक खात्यांवर जमा केली जाते. रोजच्या लिलावामुळे आवकही वाढत आहे. 
- किशोर कालंगडे, कांदाव्यापारी  

 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com