अल्पवयीन मुलीला दिलं गुंगीचं अौषध पुढे झाला हा हादसा...

पाथर्डी : ती घरात एकटीच होती. त्यामुळे तिची असहायता एका तरूणाने हेरली. तो तिच्या घरी गुंगीचं औषध घेऊन गेला नि पुढे घडलं ते भयंकर होतं.

या घटनेतील पीडित मुलीला नगरच्या जिल्हा रुग्णालयात दाखल केले आहे. पीरमहंमद ऊर्फ पप्या अहमदभाई शेख (वय 30, रा. कोरडगाव) असे आरोपीचे नाव आहे.

हेही वाचा - राहुरीत जुगारअड्ड्यावर कोण कोण सापडलंय वाचा तरी

या बाबत पीडित मुलीने पोलिसांना जबाब दिला. त्यानुसार, ऑक्‍टोबर 2019मध्ये दुपारी 16 वर्षीय पीडित मुलगी घरात एकटी असताना आरोपी शेख तेथे आला. गुंगीचे औषध पाजून तिला बेशुद्ध केले व तिच्यावर अत्याचार केला. तसेच, या बाबत कोणाला काही सांगितल्यास घरातील लोकांना जिवे मारण्याची धमकी दिली. त्यामुळे मुलीने कोणाला काहीच सांगितले नाही.

नंतर कधी तरी तिच्या पोटात दुखू लागले. त्यामुळे तिला नगरच्या जिल्हा रुग्णालयात दाखल केले. तेथे ती आठ महिन्यांची गर्भवती असल्याचे समोर आले. तिच्या जबाबावरून पोलिसांनी शेखविरुद्ध गुन्हा दाखल केला.