जिल्हा परिषदेच्या चाव्या खासगी व्यक्तीच्या हाती? 

नगर ः जिल्हा परिषदेतील एका विभागात खासगी व्यक्तीकडून कामकाज करून घेतले जात असल्याची चर्चा आहे. संबंधित विभागातील अधिकाऱ्यास संगणकाची माहिती नसल्याने खासगी व्यक्ती त्याची कामे करीत असल्याचे समजले. 

हेही वाचा ः झेडपीत सुरु होते "तोडपाणी', "चहापाणी'... पाहुणे येताच... 

जिल्हा परिषदेतील काही विभागातील फाईल अधिकारी व पदाधिकाऱ्यांकडे कर्मचाऱ्यांऐवजी बाहेरील व्यक्ती घेऊन जात असल्याचे प्रकार घडलेले आहे. यावरून पदाधिकाऱ्यांनी अधिकाऱ्यांची झाडाझडती घेतली आहे. त्यामुळे या प्रकारांना काही अंशी पायबंद बसला होता. मात्र पुन्हा असे प्रकार आता सुरु झालेले असून जिल्हा परिषदेतील काही विभागातील फाईल आता कर्मचाऱ्यांऐवजी बाहेरील व्यक्ती या टेबलवरून त्या टेबलवर नेत असल्याची चर्चा सुरु असतानाच आता खासगी व्यक्तीची चर्चा सुरु झाली आहे. 

अवश्य वाचा ः येथे नांदतो अंधार... 

जिल्हा परिषदेतील संबंधित विभागात काही दिवसांपासून बाहेरील व्यक्ती येऊन कार्यालयीन कामकाज करीत असल्याचे समजले. लॉकडाउन असतानाही ही व्यक्ती बिनदिक्कत जिल्हा परिषदेत येऊन कामकाज करीत होती. त्याची नियुक्ती कोणी केली, पगार कोण करतो, खासगी व्यक्तीची जिल्हा परिषदेत गरज आहे का, असे एक ना अनेक प्रश्‍न कर्मचारी वर्गातून होत आहेत. 

क्लिक करा ः निधीच्या फेऱ्यात शिष्यवृत्ती 

गेल्या अनेक दिवसांपासून खासगी व्यक्ती येऊन कामकाज करीत असून त्याकडे प्रशासनाचे दुर्लक्ष झाल्याने कर्मचाऱ्यांमधूनच आश्‍चर्य व्यक्त केले जात आहे. या संबंधित व्यक्तीचा प्रशासनाने बंदोबस्त करण्याची मागणी होत आहे. 

वर्षानुवर्षे जागा अन्‌ कर्मचारी एकच 
काही विभागांमध्ये वर्षानुवर्षांपासून बदली होऊन कर्मचारी त्याच जागेवर राहत आहे. इतरांना कामकाज जमत नाही, असे कारण दाखवून त्याच कर्मचाऱ्यांना त्याच जागी पुन्हा आणण्याचे प्रकार घडत असल्याची कर्मचाऱ्यांमध्ये चर्चा होत आहे. 

जिल्हा परिषदेत सर्व नियमित कर्मचारी कामकाज करीत आहेत. कोणी खासगी व्यक्ती कामकाज करीत आहे का, याबाबत चौकशी करण्यात करण्यात येईल.

- वासुदेव सोळंके, उपमुख्य कार्यकारी अधिकारी, सामान्य प्रशासन