सुगत खाडे
अकोला : पायाभूत व आरोग्य सुविधांसह अन्य विकास कामांसाठी आर्थिक वर्ष २०२५-२६ मध्ये जिल्हा वार्षिक याेजनेअतंर्गत जिल्ह्यासाठी ३३३ काेटी रुपये मंजूर झाले आहेत. परंतु आर्थिक वर्षाला सुरुवात होऊन अडीच महिन्यांपेक्षा अधिक कालावधी झाल्यानंतर सुद्धा शासनामार्फत जिल्हा वार्षिक योजनेसाठी (डीपीसी) दमडीही उपलब्ध करुन देण्यात आला नाही. त्यामुळे जिल्ह्यात विकास कामे करण्याची गती मंदावली असून शासनाच्या तिजोरीत पुन्हा खडखडाट आहे का? असा प्रश्न उपस्थित होत आहे.