अकाेला : आगामी निवडणुका ‘आप’ स्वबळावर लढविणार | Sakal
sakal

बोलून बातमी शोधा

Akola Aam Aadmi Party upcoming local body elections in independent

अकाेला : आगामी निवडणुका ‘आप’ स्वबळावर लढविणार

वाशीम : विधानसभा २०२४ ची रंगीत तालीम म्हणून पाहिल्या जात असलेल्या आगामी काळातील स्थानिक स्वराज्य निवडणुकीच्या मैदानात आम आदमी पार्टी स्वबळावर उतरणार असल्याची माहिती ''आप'' चे प्रदेश प्रभारी दीपक सिंगला यांनी दिली. आम आदमी पार्टीच्या कार्यकर्ता मेळाव्यानिमित्त १२ मे रोजी वाशीम येथे आयोजित पत्रकार परिषदेत त्यांनी ही माहिती दिली.

यावेळी संघटनमंत्री विजय कुंभारे, प्रदेश सचिव धनंजय शिंदे, विदर्भ संयोजक देवेंद्र वानखेडे, वाशीम जिल्हा संयोजक ॲड. मोरे, राम पाटील डोरले आदिंची प्रामुख्याने उपस्थिती होती. यावेळी अधिक माहिती देताना सिंगला म्हणाले की, आम आदमी पार्टीने दिल्ली पाठोपाठ पंजाब राज्यात स्वबळावर सत्ता मिळविली तर गोवा राज्यात यावेळी आम आदमी पार्टीचे राज्य संयोजक रंगाजी राचूरे, विधानसभा निवडणुकीत पक्षाचे दोन आमदार निवडून आले.

या निवडणुकांनंतर देशभरात भ्रष्टाचारमुक्त राजकीय पक्ष म्हणून ''आप'' हा एकमेव पक्ष असल्याची जनभावना बळावली आहे. राज्यातील नागरिकांसमोर ''आप'' एक सक्षम पर्याय म्हणून पुढे येत असल्याने कार्यकर्त्यामध्येही उत्साह संचारला आहे. नेते अरविंद केजरीवाल यांच्या नेतृत्त्वावर विश्वास ठेवून अनेक प्रस्थापित पक्षाचे नेते, कार्यकर्ते आम आदमी पक्षात प्रवेश करीत आहेत. या विजयानंतर महाराष्ट्रातील आम आदमी पार्टीच्या पदाधिकारी, कार्यकर्त्यांचा विश्वास वाढला आहे.

त्यामुळे आगामी २०२४ विधानसभेची रंगीत तालीम म्हणून पाहिल्या जात असलेल्या राज्यातील स्थानिक स्वराज्य संस्थेच्या निवडणुका स्वबळावर लढविणार असल्याचे त्यांनी स्पष्ट केले. दरम्यान, आम आदमी पार्टीच्या कार्यकर्ता मेळाव्यात मान्यवरांच्या उपस्थितीत वाशीम जिल्ह्यातील शेकडो कार्यकर्त्यांनी पक्ष प्रवेश केला.

Web Title: Akola Aam Aadmi Party Upcoming Local Body Elections In Independent

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top