Akola Crime News: १६ वर्षीय मुलीला लग्नाचं आमिष दाखवून पोलिसाने ठेवले संबंध, नंतर दिला नकार; पीडितेचा आत्महत्येचा प्रयत्न

बाळापूर: लग्नाचे आमिष दाखवून एका अल्पवयीन मुलीचे लैंगिक शोषण करणे व तिला आत्महत्येस प्रवृत्त करणाऱ्या आरोपी पोलिस कॉन्स्टेबल पवन वडगावे याच्यावर ‘पोक्सो’ कायद्यान्वये गुन्हा दाखल करून त्याला तत्काळ अटक करावी, या मागणीसाठी आज बाळापूर शहरात सर्वधर्मीय व सर्वपक्षीय नागरिकांनी भव्य मोर्चा काढत स्थानिक गुन्हे शाखेचे पोलिस निरीक्षक नितीन लेव्हरकर यांना निवेदन देण्यात आले. गुन्हा दाखल होऊन १२ दिवस उलटल्यानंतरही आरोपी मोकाट असल्याने नागरिकांमधून तीव्र रोष व्यक्त केला.