अकोला : बार्शीटाकळीत आढळला देशी कट्टा

अकोला : बार्शीटाकळी येथील जुन्या बस स्थानक परिसरात देशी कट्टा व जीवंत काडतूस बाळगूण असलेल्या आरोपीला स्थानिक गुन्हे शाखेच्या पथकाने सोमवारी रात्री अटक केली.

स्थानिक गुन्हे शाखेचे पोलिस उपनिरीक्षक गोपाल जाधव व त्यांचे तपास पथकातील कर्मचारी यांना गोपनिय माहिती मिळाली की, बार्शीटाकळी पोलिस स्टेशनच्या हद्दीतील खडकपुरा येथील राहणारा शेख वसीम उर्फ कचौडी शेख नवाब (२५) हा लोकांमध्ये दहशत पसरविण्याचे उद्देशाने त्याचे जवळ अवैधरीत्या अग्नीशस्त्र बाळगुन आहे. अशा खात्रीलायक बातमीवरून स्थानिक गुन्हे शाखेचे पोउपनि.गोपाल जाधव यांनी सहकारी व पंचासह बार्शीटाकळी येथील जुने बसस्थानक परिसरात सापळा रचून एक देशी कट्टा व मॅगझीनसह आरोपीला अटक केली.