मूर्तिजापूर (जि.अकोला) : रास्त भाव धान्य दुकानदार व ग्राहकांसाठी ई-पॉस मशीन डोकेदुखी ठरत असून, सार्वजनिक वितरण प्रणालीत पारदर्शकता येण्याच्या व शिधापत्रिकाधारकांना वेळेवर राशन मिळण्याच्या दृष्टीने ई-पॉस मशीन अद्यावत करणे गरजेचे आहे.
शासनाने २०१३ पासून राज्यभरातील प्रत्येक रास्त भाव धान्य दुकानावर राशन ई-पॉस मशीनद्वारा धान्य वितरणास सुरुवात केली. या प्रणालीला ७ वर्षे पूर्ण झाली असून, ही यंत्रणा कुचकामी ठरत आहे. बहुतांश ई-पॉस मशीन बिल निघताच नेटवर्क गायब होऊन बंद पडतात.
याचा त्रास शिधापत्रिका धारक व रेशन दुकानदारांना होत आहे. तालुक्यात राशन दुकानदार व ग्राहकांना धान्य घेतांना या मशीन मुळे डोके दुखी होत आहे. नेहमीच या ई-पॉस मशीनचे नेटवर्क गायब होते.
कधी-कधी ई-पॉस मशीनवर ग्राहकांचे थंब बरोबर लागत नाहीत. या सगळ्या अडचणींवर मात करणारी यंत्रणा उपलब्ध करून दिल्यास तसेच किमान नवीन ४ जी, ५ जी च्या ई-पॉस मशीन प्रत्येक धान्य दुकानावर उपलब्ध करून द्याव्यात, अशी मागणी जोर धरत आहे.
शासनाने पुरविलेल्या ई-पॉस मशीन ३ जी नेटवर्क जोडणाऱ्या असून, त्या कालबाह्य झाल्या आहेत. ॲक्टीव्ह होत नाहीत. दुकानदार व ग्राहकांना मनस्ताप होतो. नवीन ४ जी, ५ जी च्या उपलब्ध करून द्याव्यात. मनस्ताप दूर होईल.
-कैलास महाजन, जिल्हा कार्याध्यक्ष, रास्त भाव धान्य दुकानदार संघटना.
अकोला, बुलडाणा, वाशीम जिल्ह्यातील ताज्या बातम्या - क्लिक करा
संपादन - विवेक मेतकर
अधिक वाचा -
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.