रात्री ९ ते सकाळी ६ वाजेपर्यंत जमावबंदी व संचारबंदी लागू

अकोला  ः जिल्ह्यातील कोविड-१९ चा प्रार्दुभाव लक्षात घेवून प्रतिबंधात्मक उपाययोजनेअंतर्गत जिल्ह्यातील शहरी व ग्रामीण भागात रात्रीचे ९ वाजतापासून ते सकाळी ६ वाजेपर्यंत रात्रीची जमावबंदी व संचारबदी लागू करण्याचे आदेश जिल्हाधिकारी जितेंद्र पापळकर यांनी निर्गमित केले आहेत. याकाळात अत्यावश्यक सेवा वगळता इतरांना मुक्त संचार करता येणार नाही.
------------
संचारबंदीतून यांना मुभा
शासकीय तसेच खाजगी ॲम्बुलन्स सेवा, रात्रीच्या वेळेस सुरू राहणारी औषधीची दुकाने, कर्तव्यावरील पोलिस व आरोग्य तसेच आपत्ती व्यवस्थापनाशी संबंधित व्यक्ती किंवा वाहने, कर्तव्यावरील रुग्ण वाहतूक व हॉस्पीटल मधील डॉक्टर व पॅरामेडिकल स्टाफ, अत्यावश्यक सेवा, वीज, पाणी पुरवठा, दुरसंचार, औषधींची वाहने, अग्नीशमन, बँक व एटीएममध्ये पैसे भरणारी वाहणे व कर्तव्यावरील अधिकारी व कर्मचारी, जीवनावश्यक वस्तुची सेवा, वस्तू व माल यांची वाहतूक व कर्तव्यावरील अधिकारी व कर्मचारी, प्रसार माध्यम व त्यांचे प्रतिनिधी, वृत्तपत्र छपाई व वृत्तपत्र विक्रेते, रात्रीच्या वेळेस सुरू राहणारे पेट्रोल पंप व हायवेवरील पेट्रोल पंप व ढाबे, रेल्वेने तसेच एसटी बस व प्रायव्हेट लक्झरीने उतरणाऱ्या प्रवाशांसाठी ऑटोरिक्षा. तसेच जिल्हादंडाधिकारी यांनी परवानगी दिलेली वाहने व अधिकारी, कर्मचारी, व्यक्ती यांना संचारबंदीच्या कालावधीत मुभा राहिल.
---------------------
आदेश भंग केल्यास फौजदारी कारवाई
संचारबंदी व जमावबंदीच्या आदेशाचे उल्लंघ करणारे संबंधित व्यक्ती, संस्था व संघटना यांच्यावर गुन्हे दाखल करण्यासाठी संबंधित पोलिस स्टेशनचे पोलिस उपनिरीक्षक दर्जापेक्षा कमी नाही अशा अधिकाऱ्यास प्राधिकृत करण्यात आले आहे. तसेच जिल्ह्यातील शहरी व ग्रामीण भागात आदेशाचा भंग करणाऱ्या व्यक्तींवर दंडात्मक कार्यवाही केल्या जाईल, असे आदेशात नमूद केले आहे.

(संपादन - विवेक मेतकर)