आरटीई प्रवेशाची शेवटची संधी, मुदत 23 नोव्हेंबरपर्यंत

अकोला: आरटीई कोट्यातून प्रतीक्षा यादीतील विद्यार्थ्यांना प्रवेश देण्याची प्रक्रिया सुरू झाल्यानंतर प्रवेशासाठी विद्यार्थ्यांना आता २३ नोव्हेंबरपर्यंत मुदतवाढ देण्यात आली आहे.

यापुर्वी सदर मुदत २९ ऑक्टोबर निश्चित करण्यात आली होती. परंतु आरटीई कोट्‍यातील जागा रिक्तच असल्याने विद्यार्थ्यांना प्रवेशासाठी मुदतवाढ देण्यात आली आहे.

•  Diwali Festival 2020: झेंडूच्या फुलांना आलाय सोन्याचा भाव!

यावर्षी आरटीई कायद्याअंतर्गत जिल्ह्यातील २०१ शाळांमध्ये दोन हजार ३२३ जागा राखीव ठेवण्यात आल्या आहेत. त्यासाठी ऑनलाईन अर्ज भरण्याची प्रक्रिया मागील फेब्रुवारी, मार्च महिन्यात पार पडली होती.

अर्ज करण्याच्या शेवटच्या दिवसापर्यंत (४ मार्च) जिल्ह्यातील ७ हजार ३३३ विद्यार्थ्यांच्या पालकांनी ऑनलाईन प्रवेशासाठी अर्ज केले होते; परंतु आरटीईअंतर्गत केवळ दोन हजार ३२३ विद्यार्थ्यांनाच प्रवेश मिळणार आहे. परिणामी मोफत प्रवेशासाठी अर्ज करणाऱ्या पाच हजार १० विद्यार्थ्यांना आरटीई अंतर्गत प्रवेश मिळणार नाहीत.

• खडसेंच्या फार्म हाऊसवर पक्षप्रवेश; वंचितचे माजी जिल्हाध्यक्ष राष्ट्रवादीत दाखल

दरम्यान यावर्षी कोरोनाच्या प्रादुर्भावामुळे आरटीईची प्रवेश प्रक्रिया अतिशय संथ गतीने सुरू होती. त्यामुळे शासनाने विद्यार्थ्यांच्या हितासाठी प्रवेश प्रक्रियेला १५ सप्टेंबरपर्यंत मुदतवाढ दिली होती. त्यानंतर प्रतीक्षा यादीतील विद्यार्थ्यांना सुद्धा प्रवेशासाठी संधी देण्यात आली. त्यानंतर सुद्धा अद्याप आरटीई कोट्‍यातील जागा रिक्तच आहेत.
अशी आहे

प्रतीक्षा यादीतील प्रवेशाची स्थिती
- आरटीईसाठी नोंदणी करणाऱ्या शाळा - २०१
- एकूण जागा - २३२३
- प्रतीक्षा यादीतील निवड - ६७०
- तात्पुरते प्रवेश - १३६
- निश्चित प्रवेश - २५३

(संपादन - विवेक मेतकर)