अकोला : सार्वजनिक ठिकाणी नागरिकांच्या अति संपर्कातील व्यक्तींचे स्वॅब घेवून तपासणी करण्यात येत आहे. त्यामुळे एकाच दिवसात तब्बल ७४४ चाचण्या घेण्यात आल्यात. त्यात २४ अहवाल पॉझिटिव्ह आलेत. पॉझिटिव्ह रुग्णांची संख्या कायम असल्याने सध्या जिल्ह्यातील ६८० रुग्णांवर उपचार सुरू आहेत.
आज सायंकाळी ११ जणांचा अहवाल पॉझिटिव्ह आला. त्यात पाच महिला व सहा पुरुषाचा समावेश आहे. त्यात गोरक्षण रोड व तेल्हारा येथील प्रत्येकी दोन तर उर्वरित बोरगाव मंजू, जठारपेठ, माळीपूरा, मलकापूर, शास्त्री नगर, राम नगर, व पातूर येथील रहिवासी आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. दरम्यान, काल (दि.9) रात्री रॅपिड ॲन्टीजेन टेस्टमध्ये चार जणांचा अहवाल पॉझिटिव्ह आला होता.
(संपादन - विवेक मेतकर) | |||
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.