अकोट : बसस्थानकातील गर्दीचा फायदा घेत महिलेच्या गळ्यातील सोन्याचे मिनी मंगळसूत्र चोरी करणाऱ्या आरोपीला अकोट शहर पोलिसांनी अवघ्या एका तासात अटक केली. आरोपीकडून ७५ हजार रुपये किमतीचे सोन्याचे मंगळसूत्र जप्त करण्यात आले आहे..पिंपळोद (ता. दर्यापूर, जि. अमरावती) येथील रेखा देवेंद्र सदार (वय ६०) या त्यांच्या वहिनी संगीता विनोद फसाले यांच्यासोबत २० मे रोजी उपचारासाठी अकोट येथील खासगी रुग्णालयात आल्या होत्या..Pune: गुंतवणूक, नोकरीच्या आमिषाने पुण्यात लूट; विश्रामबाग, नऱ्हे आणि खराडीत गुन्हे दाखल; तिघांना ६१ लाखांना गंडा.उपचार पूर्ण झाल्यानंतर दुपारी १ वाजताच्या सुमारास पिंपळोद येथे परत जाण्यासाठी अकोट बसस्थानकावर आल्या. दरम्यान, बसमध्ये चढत असताना अज्ञात चोरट्याने रेखा सदार यांच्या गळ्यातील ११.५० ग्रॅम सोन्याचे मिनी मंगळसूत्र चलाखीने तोडून चोरी केले. चोरी गेलेल्या मंगळसूत्राची किंमत सुमारे ७५ हजार रुपये असल्याचे सांगण्यात आले आहे..घटनेनंतर रेखा सदार यांनी दिलेल्या तक्रारीवरून अकोट शहर पोलिस ठाण्यात गुन्हा दाखल करण्यात आला. पोलिसांनी तत्काळ तपासाची सूत्रे हाती घेत बसस्थानक परिसरातील हालचालींची माहिती गोळा केली. फिर्यादीने सांगितलेल्या आरोपीच्या वर्णनावरून पोलिसांनी संशयिताचा शोध सुरू केला..White House Shooting : डोनाल्ड ट्रम्प व्हाईट हाऊसमध्ये असतानाच बाहेर अचानक गोळीबार, सिक्रेट सर्व्हिसने हल्लेखोराला केले ठार .तपासादरम्यान पोलिसांनी शैलेंद्र उर्फ बंडू सुरेश जाधव (वय ४४, रा. बलभीमनगर, जि. बीड) याला ताब्यात घेतले. चौकशीत आरोपीने गुन्ह्याची कबुली दिली. त्याने चोरी केलेले सोन्याचे मिनी मंगळसूत्र बसस्थानकाजवळील रस्त्याच्या कडेला एका दगडाखाली लपवून ठेवल्याची माहिती पोलिसांना दिली. त्यानुसार पोलिसांनी पंचांसमक्ष घटनास्थळी जाऊन मुद्देमाल जप्त केला..ही कारवाई पोलिस अधीक्षक अर्चित चांडक, अपर पोलिस अधीक्षक बी. चंद्रकांत रेड्डी आणि सहायक पोलिस अधीक्षक निखिल पाटील यांच्या मार्गदर्शनाखाली पोलिस निरीक्षक अमोल माळवे, पोलिस उपनिरीक्षक निलेश बारहाते, समाधान मिसाळ तसेच डीबी पथकातील पोलिस कर्मचाऱ्यांनी पार पाडली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
