खामगाव - तालुक्यातील राहुड येथे सख्ख्या भावाचा खून करून मृतदेह जाळून राख नदीत फेकून दिल्याची थरारक घटना उघडकीस आली आहे. याप्रकरणी पिंपळगाव राजा पोलीस स्टेशनमध्ये गुन्हा दाखल करण्यात आला असून, दोन आरोपींना अटक करण्यात आली आहे. .यासंदर्भात मिळालेल्या माहितीनुसार, राहुड येथील पोलीस पाटील विलास देविदास बनसोडे यांना गावातील चेतन संजय इंगळे (३५) रा. राहूड यांचा खून झाल्याची व तो गावातून गायब असल्याची माहिती मिळाली. यासंदर्भात त्यांनी तात्काळ पिंपळगाव राजा पोलीसांना माहिती देताच ठाणेदार मुळीक व पोलीस कर्मचारी चेतन इंगळे यांचा शोध घेत होते..दरम्यान आरोपी रोशन संजय इंगळे (३६) रा. राहुड याने चेतन इंगळे याचा खून केल्याचे समोर आले. पोलीसांनी त्यास ताब्यात घेवून चौकशी केली असता त्याने आरोपी रवि देविदास राऊत (३६) रा. महाकाल चौक, खामगाव याच्या मदतीने स्वतःच्या भाऊ चेतन इंगळे याच्या डोक्यात लोखंडी रॉडने वार करून त्यांना ठार मारले व त्यानंतर पुरावा नष्ट करण्याच्या उद्देशाने मृतदेह जाळून त्याची राख नदीत फेकून दिल्याची कबुली दिली आहे..सदर घटना 25 फेब्रुवारी रोजी दुपारी सुमारे 1.30 वाजताच्या सुमारास राहुड येथील मृतक व आरोपी यांच्या शेतात घडली. याप्रकरणी आज पिंपळगाव राजा पोलीस स्टेशनमध्ये दोन्ही आरोपींविरुध्द गुन्हा दाखल करुन त्यांना अटक करण्यात आली आहे.या घटनेमुळे राहुड गावात प्रचंड खळबळ उडाली असून परिसरात भीतीचे वातावरण पसरले आहे. पोलीस घटनेमागील नेमके कारण शोधण्याचे काम करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
