बुलडाणा : जिल्ह्यातील तीन तालुक्यात तेरा गावांमध्ये केस गळतीचे आणि त्यानंतर नख गळतीचे प्रकार वाढत आहे. या पार्श्वभूमीवर केंद्र आणि राज्य सरकारच्या नऊ विभागांचे तज्ज्ञ या गावांमध्ये आज २२ एप्रिल रोजी दाखल झाले. केंद्र सरकारच्या पथकाने या आजाराच्या मुळाशी जाऊन कार्य करावे, असे निर्देश केंद्रीय आयुष आरोग्य व कुटुंब कल्याण राज्यमंत्री प्रतापराव जाधव यांनी दिले आहे.