अकोला - शहरातील नायगाव परिसरात सहा वर्षीय चिमुकलीवर नात्यातील एका नराधमाने अत्याचार केल्याची घटना उघड झाली. याप्रकरणात पोलिसांनी आरोपीविरुद्ध विविध कलमान्वये गुन्हे दाखल केले. सोहेल खान जमीर खान (रा. अकोट फाइल, अकोला) असे आरोपीचे नाव आहे..पिडीतेच्या वडीलांनी तक्रारीत म्हटले आहे की, त्यांच्या तीनही अल्पवयीन मुली आईसोबत संजयनगर, नायगाव येथे राहत आहेत. १६ फेब्रुवारी रोजी सकाळी मुलीकडून आलेल्या फोनमध्ये आईच्या ओळखीतील व्यक्तीने मारहाण केल्याची माहिती मिळाली. त्यानंतर संबंधित ठिकाणी जाऊन चौकशी केली असता सदर प्रकार समोर आला..मोठ्या मुलीनेही आरोपीविरुद्ध गंभीर स्वरूपाचे आरोप केले. त्यानंतर मुलीच्या वडीलांनी पोलिस स्टेशन गाठून तक्रार दाखल केली. आरोपी हा घरात येऊन मुलींशी अनुचित वर्तन करत असल्याचा आरोप करण्यात आला आहे. विरोध केल्यास मारहाण करीत होता असेही तक्रारीत नमुद आहे..या घटनेची दखल घेत अकोट फाइल पोलीसांनी गुन्हा नोंदवून तपास सुरु केला आहे. या प्रकरणी भारतीय न्याय संहिता (बीएनएस) २०२३ कलम ११५(२), ७४, ७५, ७५(१) तसेच बालकांचे लैंगिक अपराधांपासून संरक्षण अधिनियम (पोक्सो) २०१२ कलम ८ व १२ अंतर्गत गुन्हा दाखल करण्यात आला आहे..संबंधित कलमे अल्पवयीन मुलांवरील अत्याचार व लैंगिक शोषणाशी संबंधित गंभीर स्वरूपाची जसून दोष सिद्ध झाल्यास कठोर शिक्षेची तरतूद आहे. दरम्यान, पोलिसांकडून पीडित मुलीचे जबाब नोंदविणे, वैद्यकीय तपासणी व इतर पुरावे संकलित करण्याची प्रक्रिया सुरु आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
