अकोट - शहरातील आठवडी बाजारात रस्त्याचे काम सुरू असताना येथून जात असलेल्या एका इसमाला जेसीबीचा जबर धक्का लागल्याची घटना आठवडी बाजार येथे घडली. राजू ज्ञानेश्वर ढोले (वय-५० वर्ष) रा. जेतवन नगर अकोट असे मृतकाचे नाव आहे..मृतकाचा मुलगा अभिजित ढोले यांनी दिलेल्या माहितीवरून, त्याचे वडील राजू ढोले हे अकोट पंचायत समिती येथे खाजगी कारकून म्हणून काम करत होते. २५ जुन रोजी आठवडी बाजारात रस्त्याचे काम सुरू होते. बाजार खरेदी करून राजू ढोले हे घराकडे जात असताना अचानक पणे जेसीबीचा जबर धक्का लागल्याने ते जमिनीवर कोसळले. यावेळी त्यांच्या डोक्याला गंभीर दुखापत झाली..घटनास्थळी हजर असलेल्या लोकांनी त्यांना तातडीने अकोट ग्रामीण रुग्णालयात उपचारासाठी दाखल केले. मात्र गंभीर दुखापत असल्याने अकोट ग्रामीण रुग्णालयातून त्यांना पुढील उपचारासाठी अकोला रेफर करण्यात आले. मात्र वाटेतच चोहोट्टा नजीक त्यांचा मृत्यू झाला.मृतकाचा मुलगा अभिजित ढोले यांच्या तक्रारीवरून अकोट शहर पोलिस स्टेशनला गुन्हा दाखल करण्याची प्रक्रिया सुरू होती. राजू ढोले यांच्या पश्चात त्यांचा मुलगा व मृतकाची आई असे दोघे जण आहे. घरचा कर्ता धरता पुरुष गेल्याने ढोले परिवारावर दुःखाचे डोंगर कोसळले आहे..रुग्णवाहिकेचा चालकाला मारहाणअकोट येथे आठवडी बाजारात जेसीबीचा जबर धक्का लागून गंभीर जखमी झालेल्या राजू ढोले यांना तातडीने अकोला येथे उपचारासाठी घेऊन जात असलेल्या रुग्णवाहिकेचा रस्त्याने आडवा आलेल्या कुत्र्याला धक्का लागला..कुत्र्याचा मालक आणि रुग्णवाहिका चालकांची यावेळी चांगलीच हुज्जतबाजी झाली. प्रकरण चोहोट्टा पोलीस ठाण्यात गेले यावेळी रुग्णवाहिका चालक मोठ्या संख्येने चोहोट्टा बाजार येथे गोळा झाले.वृत्तलीहेस्तोवर चोहोट्टा पोलीस चौकीत गुन्हा दाखल करण्याची प्रक्रिया सुरू होती. तोवर मृतदेह स्थानिक पोलिसांनी अकोट ग्रामीण रुग्णालयाकडे रवाना केला होता..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
