अकोला : शहरातील मध्यवर्ती बसस्थानक असलेल्या मदनलाल धिंग्रा चौक परिसरात असलेल्या अंडरपासने एकाचा बळी घेतल्याची घटना गुरुवारी सकाळी उघडकीस आली. एका अनोळखी पुरुषाचा मृतदेह गुरुवारी सकाळी पाण्यावर तरंगताना आढळून आला. मृतदेहाची ओळख अद्याप पटलेली नसून, मृत्यूचे नेमके कारण शवविच्छेदन अहवालानंतर स्पष्ट होणार आहे. घटनेची माहिती मिळताच सिटी कोतवाली पोलिस ठाण्याचे निरीक्षक आणि कर्मचारी घटनास्थळी दाखल झाले.