सबस्क्राईब करा
मूर्तिजापूर : शहरातील विविध गुन्ह्यांची माहिती समोर येण्याची शक्यता असणाऱ्या दोन चोरट्यांना येथील शहर पोलीसांनी आज २४ तासांच्या आत आणि माहिती मिळताच दोन तासांच्या आत जेरबंद केले असून या लसण चोरट्या टोळक्यातील तिसरा फरार आहे.
येथील भाजीपाला व्यावासायिक माणिकराव खरबडकर यांनी हर्रास बाजारात ठेवलेल्या लसुणाच्या८ कट्ट्यांपैकी ३५ हजर रुपये किंमतीचे चार कट्टे बेपत्ता असल्याचे त्यांच्यानिदर्शनास आले. त्यांनी येथील शहर पोलीस ठाण्यात तक्रार नोंदविली. या प्रकरणातील चोरटे येथील कारंजा बायपासवर असल्याची गोपनीय माहिती ठाणेदार भाऊराव घुगे यांना मिळाली, त्यांनी लगेच उपनिरीक्षक गणेश सूर्यवंशी,डी बी पथकाचे हेड कॉन्स्टेबल सुरेश पांडे, मंगेश विल्हेकर, गजानन खेडकर,कॉन्स्टेबल सचीन दुबे सह कारंजा बाय पास गाठला. येथील नविन घरकूल वसाहतीत रहाणारे दानीश उर्फ राजा फिरोज खान व इमरान खान नासीर खान यांना यांना ताब्यात घेतले.
तिसरा चोरीचा माल वाहून नेणाऱ्या वाहाहनासह फरार झाला. दानीश आणि इमरान या दोघांनाही महत्प्रयासाने बोलके केल्यानंतर ते कबूल झाले. यापैकी दानीश वर मोटार सायकल, जनावरे, कोंबड्या चोरी प्रकरणी गुन्हे दाखल आहेत आज त्या दोघांनाही शहर पोलीस ठाण्याच्या लॉक अप मध्ये ठेवण्यात आले असून त्यांचा उद्या पिसीआर घेण्यात येईल व त्यांना आणखी बोलते केले जाईल, असे ठाणेदार भाऊराव घुगे यांनी सांगितले. शहरात वारंवार होणाऱ्या चोऱ्यांचा व घरफोड्यांचा सुगावा या प्रकरणातील आरोपींच्या कस्टडी दारम्यान लागू शकतो, असा आशावाद शहारवासींयांमधून व्यक्त होत आहे. पुढील तपास ठाणेदार भाऊराव घुगे यांच्या मार्गदर्शनाखात हेड कॉन्स्टेबल मंगेश घाटे करीत आहेत.
दरम्यान गेल्या शुक्रवार बाजारात नंगी तलवार घेऊन दहशत पसरविणाऱ्या तिघांना चाकू आणि चॉपर घेऊन साथ देणाऱ्या रुषी किर्दक नावाच्या आरोपीची ठाणेदार भाऊराव घुगे यांनी आज शहराच्या मुख्य रस्त्यावरून धिंड काढली असून त्याच्या तिघा फरार सहकाऱ्यांचा तपास सुरू आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.