दर्यापूर : अकोला ते दर्यापूर मार्गावरील गोळेगाव लासूर गावाजवळ दोन वाहनांची समोरासमोर जोरदार धडक झाली. या भीषण अपघातात तीन ठार तर तिघे जखमी झाले. लासूर गावाजवळ सोमवारी (ता. तीन) दुपारी तीन डिसेंबरला ही घटना घडली..अपघातातील तिघांचेही मृतदेह उत्तरीय तपासणीसाठी उपजिल्हा सामान्य रुग्णालयाच्या शवागारात पाठविण्यात आले. जखमींनाही तातडीने उपचाराकरिता रुग्णालयात हलविले. २७-६२६० क्रमांकाच्या कारने आनंद बाहकर (वय २६, रा. सांगळूदकर नगर) विनीत बिजवे (वय ३८, रा. गजानन मंदिर साईनगर), प्रतीक बोचे (वय ३५, रा. सांगळूदकर नगर) हे अकोला ते दर्यापूर मार्गे अकोलाकडे जात होते..त्या तिघांचाच या भीषण अपघातात मृत्यू झाला आहे. त्यांच्या वाहनाला विरुद्ध दिशेने येणाऱ्या २९- ७७८६ क्रमांकाच्या दर्यापूरला येणाऱ्या वाहनाने दर्यापूर लासूर नजीक जोरदार धडक दिल्याने हा भीषण अपघात झाला..दुसऱ्या वाहनातील आकाश रमेश अग्रवाल, रमेश ऊर्फ रम्मू सेठ अग्रवाल (रा. बाभळी), पप्पू घाणीवाले (रा. बनोसा) हे जखमी झाले आहेत. प्रतीक, आनंद, विनीत हे तिघेही अकोला येथे जात होते. आकाश अग्रवाल यांचे एमएच २९ बीसी ७७८६ क्रमांकाच्या कारचालकाचे वाहनावरील नियंत्रण सुटले..Accident News :एसटी बसच्या धडकेत घोलपवाडीचा युवक ठार .अचानक अनियंत्रित झालेली कार समोरासमोर धडकली. अपघात एवढा भीषण होता की, या अपघातात प्रतीक बोचे व विनीत बिजवे या दोघांचा जागीच मृत्यू झाला. तर आनंद बहकार याला दर्यापूर उपजिल्हा रुग्णालयात आणले असता त्याचा उपचारादरम्यान मृत्यू झाला. अपघाताची माहिती नातेवाईक व इतर मित्रमंडळीला मिळताच सर्वांनी उपजिल्हा रुग्णाला दर्यापूर येथे धाव घेतली. अग्रवाल पिता-पुत्रासह इतर जखमींना उपचारासाठी अकोला येथे दाखल करण्यात आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
