मोताळा - तालुक्यातील तालखेड येथे ग्रामपंचायतीच्या मोकळ्या जागेत अज्ञात व्यक्तींनी अनधिकृतपणे विनापरवानगी महापुरुषांचा पुतळा बसविला. या प्रकरणी बोराखेडी पोलिसांनी अज्ञाताविरुद्ध गुरुवारी (ता. २६) गुन्हा दाखल केला आहे..तालुक्यातील तालखेड येथील ग्रामपंचायत अधिकारी संजय वामन मापारी (४९) यांनी बोराखेडी पोलिसांत तक्रार दिली की, तालखेड ग्रामपंचायतीच्या गावठाणच्या मोकळ्या जागेत कोणीतरी अज्ञात व्यक्तींनी जिल्हाधिकारी बुलडाणा प्रशासनाची कोणतीही परवानगी न घेता अतिक्रमण करून अनधिकृतपणे महापुरुषांचा अर्धाकृती पुतळा बसविला..ही घटना मंगळवारी (ता. २४) आठ वाजताच्या सुमारास उघडकीस आली. तेव्हापासून ग्रामसेवक मापारी यांनी पुतळा बसविणाऱ्या व्यक्तींबद्दल गावात चौकशी केली. परंतु अद्याप माहिती मिळू शकली नाही..त्यामुळे आज ता. २६ रोजी बोराखेडी पोलिस ठाण्यात अज्ञात व्यक्तीविरुद्ध तक्रार देण्यात आली आहे. या तक्रारीवरून पोलिसांनी अज्ञाताविरुद्ध गुन्हा दाखल केला आहे. पुढील तपास ठाणेदार सीताराम मेहेत्रे यांच्या मार्गदर्शनात पोहेकाँ दिलीप तडवी करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
