सोयाबीनने गाठली आजपर्यंतची उच्चांकी ; प्रतिक्विंटल पाच हजाराहून अधिक भाव

अकोला : सोयाबीनने आजपर्यंतचे उच्चांकी दर गाठले असून, सध्या प्रतिक्विंटल पाच हजाराहून अधिक दर कृषी उत्पन्न बाजार समितीमध्ये मिळतो आहे. गत पाच वर्षातील सोयाबीनला मिळालेले हे सर्वाधिक भाव असून, पहिल्यांदाच केंद्र सरकारने ठरवून दिलेल्या ३८८० रुपये आधारभूत किमतीपेक्षा हजार ते बाराशे रुपये अधिक सोयाबीन उत्पादकांना मिळत आहेत. 

केवढा हा हलगर्जीपणा ! कोरोना पॉझिटिव्ह दाम्पत्यं सीटी स्कॅनसाठी कोविड सेंटरमधून पोचले जालन्यात

जिल्ह्यासह विदर्भात खरिपामध्ये सर्वाधिक पेरा असणारे व सर्वाधिक उत्पादीत होणारे पीक म्हणजे सोयाबीन. त्यामुळे येथील शेतकऱ्यांच्या खरिपामध्ये सोयाबीन पिकापासून सर्वाधिक अपेक्षा राहतात. परंतु, दरवर्षी दुष्काळ, अतिवृष्टी, किडीचा प्रादुर्भाव व इतर कारणांमुळे सोयाबीन पिकाचे उत्पादन सातत्याने घटत आहे. सोबतच व्यापाऱ्यांकडून हमीभावापेक्षाही कमी दराने म्हणजे दोन ते तीन हजार रुपये प्रतिक्विंटल दरानेच सोयाबीनची खरेदी होत असल्याने सोयाबीन उत्पादकांना सातत्याने नुकसान सोसावे लागत आहे.

बांधकाम मजुराचा दगडाने ठेचून खून; नेहरूपार्क चौकात रात्रीच्या समयी थरार तर आरोपी फरार

शासनाच्या हमीभाव केंद्रावर सुद्धा सोयाबीन विक्री करताना शेतकऱ्यांना विविध अटी, शर्तीची पुर्तता करावी लागते. त्यातही कोणत्या ना कोणत्या तांत्रिक अडचणींमुळे शेतकऱ्यांच्या संपूर्ण उत्पादनाची खरेदी होत नाही व झाली तरी, चुकाऱ्यांसाठी शेतकऱ्यांना महिनो प्रतीक्षा करावी लागते. यावर्षी मात्र पहिल्यांदाच सोयाबीनला हमीभावापेक्षा हजार ते १२०० रुपये जादा भाव बाजार समितीमध्ये व्यापाऱ्यांकडून मिळत आहे. सध्या बाजार समितीमध्ये सोयाबीनला प्रतिक्विंटल किमान ४५०० तर, कमाल ५१५० रुपये भाव मिळत आहे. 

साठवणूक ठरतेय फायद्याची
 
रब्बीच्या तयारीसाठी तसेच इतर गरजांची पुर्तता करण्यासाठी अर्थाजनाचा पर्याय म्हणून अनेक शेतकऱ्यांनी पीक काढताच सोयाबीनची विक्री केली. परंतु, ज्या शेतकऱ्यांनी सोयाबीनची विक्री न करता ते साठवूण ठेवले त्यांना सध्या चांगला फायदा होत असून, प्रतिक्विंटल हजार ते १२०० रुपये अधिक दर मिळत आहे.