नगर ः पावसाने काल (मंगळवारी) पुनर्वसू नक्षत्रात जिल्ह्यात 97 पैकी 92 महसूल मंडलांत सर्वदूर हजेरी लावली. चिचोंडी पाटील, मिरी, एरंडगाव या तीन ठिकाणी अतिवृष्टीही झाली. रोहिणी, मृग, आर्द्रा पाठोपाठ पुनर्वसू नक्षत्राच्या सरीदेखील जिल्ह्याच्या शिवारावर कृपावंत झाल्या आहेत. पुनर्वसू नक्षत्राने खरिपाच्या पिकाला संजीवनी देत शिवाराचे भाग्य उजाळले आहे. त्यामुळे शेतकऱ्यांमध्ये समाधानाचे वातावरण आहे. 

हेही वाचा ः कुणीच विचारीना राव...कोरोनाने नेत्यांची सद्दी संपवली 

गेल्या चार महिन्यांपासून कोरोनाचा लढा सुरू आहे. नागरी जीवन विस्कळीत झालेले असताना शेतकरी मात्र खरिपाच्या पूर्वमशागतीत व्यस्त होता. जूनच्या मुहूर्तावर जिल्ह्यात रोहिणी नक्षत्राच्या दमदार धारा बरसल्या. त्यापाठोपाठ सात जूनला मृग नक्षत्राचा आरंभ झाला. मात्र, पहिले चार दिवस विसावा घेतलेला मृग नक्षत्राने जिल्ह्यात सर्वदूर हजेरी लावली. त्यानंतर जिल्ह्यात खरिपाच्या पेरणीने वेग घेतला. पावसामुळे जिल्ह्यात यंदा शंभर टक्‍क्‍यांपेक्षा अधिक खरिपाची पेरणी झाली. त्यानंतर आर्द्रा, पुनर्वसू नक्षत्राने जिल्ह्यात खरिपाच्या पिकाला बळ दिले. 

"या' मंडलांत खाते निरंक 
विरगाव 
समशेरपूर 
ब्राम्हणवाडा 
कोपरगाव 
दहिगाव 

"या' मंडलांत अतिवृष्टी 
चिचोंडी पाटील 67.3 
एरंडगाव 104.8 
मिरी 77.5 
(मिलिमीटरमध्ये)