नगर : जिल्हा परिषदेच्या स्थायी समितीच्या लेखी प्रतिपादन सभेत सर्व विषय मंजूर झाले आहेत. मात्र, त्यातील काही विषयांवर सदस्यांनी अभिप्राय नोंदवून चर्चा व्हावी असे म्हणून मतदान केले. 

जिल्हा परिषदेची स्थायी समितीची सभा जिल्हा परिषदेच्या अध्यक्ष राजश्री घुले यांच्या अध्यक्षतेखाली पार पडली. 

या सभेत सहा विषय होते. त्यातील 2019-20 या आर्थिक वर्षासाठी लोकप्रतिनिधींनी सुचविलेल्या ग्रामीण भागातील गावांतर्गत मूलभूत सुविधा पुरविणे या योजनेंतर्गत मंजूर कामांना प्रशासकीय मान्यता प्रदान करण्यावर काही सदस्यांनी आक्षेप घेत त्यावर चर्चा होऊन मंजुरी द्यावी, असे मत व्यक्त करत दोघांनी त्यावर आक्षेप घेतला.

हेही वाचा ः "कोरोना'चा मराठी शाळांना हा होणार फायदा, मास्तरांची थांबणार वणवण 
 
राष्ट्रीय महामार्ग 50 ते निरगुडवाडी (ता. अकोले) या रस्त्याच्या एक किलोमीटर डांबरीकरणास मान्यता देणे, नरेंद्रनगर दहिगाव-ने, शहरटाकळी, सुलतानपूर, देवटाकळी (ता. शेवगाव) येथील गावांतर्गत सिमेंट कॉंक्रीट रस्ते करणे, यासह सर्व सहा विषयांना बहुमताने मंजुरी देण्यात आली. 

अवश्य वाचा ः "मास्क'मुळे बचत गटांना मिळाला "चेहरा' 

जुन्या इमारतीचा श्‍वास मोकळा होणार 
जिल्हा परिषदेच्या जुन्या इमारतीतील व पंचायत समितीच्या गोडावूनमधील विनावापर निरुपयोगी व साहित्याच्या निर्लेखनास मान्यता व शिफारस करण्याच्या विषयाला सर्वानुमते मंजुरी देण्यात आली. त्यामुळे जिल्हा परिषदेची जुनी इमारत मोकळा श्‍वास घेणार आहे. 

जिल्हाधिकारी कार्यालयांमध्ये बैठका होत असताना जिल्हा परिषदेत बैठका घेण्यास जिल्हा परिषदेच्या अधिकाऱ्यांकडून 144 कलम दाखविले जात आहेत. जिल्ह्याच्या विकासासाठी 144 चा बागुलबुवा थांबविणे गरजेचे आहे. 
- अनिल कराळे, जिल्हा परिषद सदस्य