श्रीरामपूर (जि.अहमदनगर) : शहरातील बोंबले वस्ती परिसरात अज्ञात चोरट्यांनी चाकुचा धाक दाखवुन एका प्राध्यापकाच्या घरी जब्बरी चोरी केल्याची घटना मंगळवारी (ता.१०) पहाटेच्या सुमारास घडली. पण यामध्ये आश्चर्याची गोष्ट अशी की, त्या विद्यार्थ्यांनी त्या चोरट्यांना अशी विनवणी केली कि चोरट्यांना सुध्दा आली दया....
ऑनलाईन अभ्यासासाठी आमचा मोबाईल नेऊ नका हो - विद्यार्थी
अज्ञात चोरट्यांनी आज (ता.१०) पहाटे तीन वाजेच्या सुमारास सदाफुले यांच्या बंगल्याच्या मागील बाजूचे गेट तोडुन किचनद्वारे घरात प्रवेश केला. त्यावेळी घरामध्ये सदाफुले यांच्या पत्नी मिरा, मुलगी भाग्यश्री आणि जयश्री, मुलगा रोहन झोपलेले होते. दरोडेखोरांनी घरात प्रवेश करुन प्रा. सदाफुले यांच्या गळ्याला चाकू लावुन हिलने का नही, और चिल्लाने का नही अशी धमकी दिल्यामुळे घरातील सर्वजण भयभीत झाले. त्याचा फायदा घेत चोरट्यांनी घरातील साहित्याची उचकापाचक करुन घरातील दहा तोळे सोन्याच्या दागिन्यासह लॅपटॉप व १५ हजाराची रोख रक्कम असा सुमारे ५ लाख रुपयांचा ऐवज लंपास केला. चोरी करुन चोरटे घराबाहेर जाताना घरातील मोबाईल घेतला. मात्र ऑनलाईन अभ्यासासाठी आमचा मोबाईल नेऊ नका, अशी विनवणी घरातील मुलांनी केल्याने त्यांनी मोबाईल परत केला. शहर पोलिसासह स्थानिक गुन्हे शाखेचे पथक, श्वान व ठसे तज्ज्ञांच्या पथकाने घटनास्थळी पाहणी करुन तपासाची चक्रे फिरविली आहे. चोरीमध्ये सुदैवाने कोणालाही मारहाण झालेली नसून चोरटे हिंदी भाषेत संभाषण केल्याचे उघडकीस आले आहे.
१० तोळे दागिन्यांसह ५ लाख रुपयांचा ऐवज लंपास
दरम्यान, यापुर्वी तालुक्यातील निपाणी वाडगाव शिवारात माजी सरपंच अशिष दौंड यांच्या घरात जबरी चोरी झाल्याची घटना ताजी आहे. त्यावेळी चोरट्यांनी सुमारे तीन सोन्याच्या दागिन्यासह ३५ हजार रोख रक्कम असा एकुण सुमारे तीन लाख रुपयांचा ऐवज पसार केला होता. त्यानंतर आता शहर परिसरासह तालुक्यातील ग्रामीण भागात पुन्हा चोरट्यांचा धुमाकुळ सुरु आहे. दुचाकी चोरीसह लहान- मोठ्या चोरीचे प्रकार वाढल्याने नागरीकांमध्ये भीतीचे वातावरण पसरले आहे. हा चोरीचा प्रकार प्रा. विठ्ठल सदाफुले यांच्या घरात घडला असून ते बेलापूरातील एका महाविद्यालयात प्राध्यापक म्हणून कार्यरत आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.