अकोले (जि.अहमदनगर) : मोफत वाटपासाठी रेशनचे (ration grains) धान्य घेऊन जाणारा ट्रक पलटी झाल्याची घटना अकोले (akole) तालुक्यातील सावरकुटे येथे घडली. अकोले तालुक्यातील आंबित, धामनवन, सावरकुटे या भागातील आदिवासी जनतेचे (tribal community) ऑगस्ट महिन्याचे मोफत वाटप करावयाचे धान्य या ट्रक मधून पोहच केले जात होते. मात्र सावरकुटे गावाजवळ अरुंद रस्त्यामुळे ट्रक शेतात पलटी झाला. गुरुवारी दुपारी (ता.१९) ही घटना घडली. या ट्रकमध्ये गहू, तांदूळच्या सुमारे तीनशे गोण्या होत्या. मोफत धान्य वितरण योजनेतील धान्य ट्रक घेऊन जात होते. पुरवठा विभागाला ही माहिती मिळताच पर्यायी व्यवस्था करून हे धान्य पाठविण्यात आले. या दुर्घटनेत एम एच 14 बीजे 14 14 या ट्रक चे मोठे नुकसान झाले. मात्र जीवितहानी झाली नाही