नवी दिल्ली: प्राप्तिकर विभाग करदात्यांसाठी (Income Tax) येत्या सात जूनपासून नवे ‘ई-फाइलिंग वेब पोर्टल’(new web portal for taxpayers) सुरू करण्याची शक्यता आहे. सध्या चालू असलेले ‘वेब पोर्टल’ १ ते ६ जून दरम्यान बंद ठेवले जाणार असल्याचे समजते.

नवे ‘पोर्टल’ अधिकाधिक ‘यूजर फ्रेंडली’ बनविण्यात येईल. त्याच्या तयारीसाठी आणि स्थलांतर करण्याच्या कामांसाठी सध्याचे पोर्टल www.incometaxindiaefiling.gov.in हे एक ते सहा जूनपर्यंत सहा दिवस उपलब्ध राहणार नाही.

ते सात जूनपासून कार्यान्वित केले जाईल. ‘ई-फाइलिंग पोर्टल’चा ( ITRs filing ) वापर करदात्यांद्वारे त्यांचे वैयक्तिक किंवा व्यवसाय प्राप्तिकर विवरणपत्र (ITR) भरण्यासाठी आणि परतावा व इतर कामांच्या कर विभागाकडे (Income Tax Department) तक्रार करण्यासाठी केला जातो.