मुंबई : आठवड्याच्या पहिल्याच दिवशी सेन्सेक्स १००० अंकांनी कोसळला. रेपोरेटमध्ये वाढ झाल्याने बँकांची कर्जे महागली असून त्याचा परिणाम बँकांच्या शेअर्सवर झाला आहे. जागतिक बाजारातील पडझडीचा परिणामही येथे दिसून आला.(Todays Share Market Updates)

गेल्या कित्येक दिवसापासून शेअर बाजारात घसरणीचे सत्र सुरू आहे. शेअर बाजारातील अस्थिरता सेन्सेक्स आणि निफ्टीच्या अंकांतून दिसून येत आहे. आठवड्याच्या सुरुवातीला सेन्सेक्स ५२,९४७.६६ वर होता. येथे -१३५५.७८ अंकांची म्हणजेच -२.५० टक्क्यांची घसरण दिसून आली. निफ्टीतही -३८७.३० म्हणजेच -२.३९ टक्क्यांची घसरण झाली. त्यामुळे निफ्टी -१५.८२१ वर स्थिर होता.

आपण सध्या मंदीच्या स्थितीत असल्याचे कॅटॅलिस्ट वेल्थचे प्रशांत सावंत म्हणाले. निफ्टीही १६ हजार ६०० च्या पातळीवर पोहोचलेला नाही. १६ हजार ५०० च्या पातळीवर मोठा रझिस्टंस दिसून येत आहे. म्हणूनच सध्या ते नो ट्रेड झोनमध्ये असल्याचा विश्वास असल्याचे ते म्हणाले.

जोपर्यंत निफ्टी १६ हजार २०० च्या खाली जात नाही, तोपर्यंत त्यात एक पुलआउट दिसू शकतो. १६ हजार ५०० ते १६ हजार ६०० मधील पातळी दिसल्यास, तुम्ही नफा बुक (Profit Booking) केला पाहिजे. जोपर्यंत तो या पातळीपर्यंत पोहोचत नाही तोपर्यंत ट्रेड करु नका असा सल्ला त्यांनी दिला.

शुक्रवारी भारतीय शेअर बाजार मोठ्या घसरणीसह बंद झाला होता. शुक्रवारी, सेन्सेक्स आणि निफ्टी (Nifty) घसरणीसह लाल रंगात बंद झाले होते. सेन्सेक्स -१०१६.८४ अंकांनी म्हणजेच -१.८४ टक्क्यांनी घसरला होता आणि हा निर्देशांक ५४,३०३.४४ च्या पातळीवर बंद झाला होता. याशिवाय निफ्टी -२७६.३० अंकांनी म्हणजेच -१.६८ टक्क्यांनी कमी झाला होता आणि हा निर्देशांक १६२०१.८० वर बंद झाला होता.