Mumbai Crime : पुण्यातील दर्शना पवार हत्या प्रकरण ताज असतांनाच आता अजून एक धक्कादायक घटना समोर आली आहे, ती म्हणजे एका १७ वर्षीय तरुणीवर चाकू हल्ला झाला आहे.

अधिक माहिती अशी की , मुंबईच्या एमआयडीसी पोलीस ठाण्याच्या हद्दीत अंधेरी पूर्व परिसरात एका सतरा वर्षीय तरुणीवर जीवघेणा चाकू हल्ला झाल्याची घटना घडली आहे. यामुळे परिसरात एकचं खळबळ उडाली आहे.

लग्नास नकार दिला म्हणून संतापलेल्या प्रियकराने हा चाकू हल्ला केला. सायंकाळच्या वेळेस तरुणी अंधेरी पूर्वेकडील ब्युटी पार्लर क्लासला जात असतानाच क्लास बाहेर उभे असलेल्या तिच्या बावीस वर्षीय प्रियकराने तरुणीवर चाकू हल्ला करून पळ काढला.

याप्रकरणी हल्लेखोर तरुणास एमआयडीसी पोलिसांनी अटक केली आहे. उबेद शेख (२२ वर्षे) असे अटक करण्यात आलेल्या तरुणाचे नाव आहे.