बेळगाव : राज्य सरकारच्या महत्त्वाकांक्षी योजनांपैकी एक असलेल्या गृहलक्ष्मी योजनेचा (Gruha Lakshmi Scheme) शासनाने अधिकृतपणे प्रारंभ केला असून, या योजनेचा लाभ जिल्ह्यातील १४.७१ लाख कुटुंबांना मिळणार आहे.

दरमहा जिल्ह्याला २९४ कोटी १४ लाख ८४ हजार रुपये मंजूर केले जाणार आहेत. दर महिन्याला कुटुंबप्रमुख महिलेच्या बँक खात्यात दोन हजार रुपये थेट जमा केले जातील. या योजनेचा लाभ घेण्यासाठी महिला (Women) आतुरतेने वाट पाहत आहेत.

सरकारने योजना लागू करण्यासाठी किमान अटी घातल्या आहेत. त्यानुसार जिल्हा प्रशासन आणि महिला व बालकल्याण विभागाच्या अधिकाऱ्यांनी जिल्ह्यात सर्व तयारी केली आहे. जिल्ह्यातील एकूण १४, ७०, ७४२ शिधापत्रिकाधारक असून, यापैकी ६८, ६४२ अंत्योदय कुटुंबे, १०,८०,८९० बीपीएल कुटुंबे आणि ३,२१,२१० दारिद्र्यरेषेवरील कुटुंबे आहेत.

मासिक दोन हजार रुपयांप्रमाणे दरमहा जिल्ह्याला २९४ कोटी १४ लाख ८४ हजार रुपये मंजूर केले जाणार आहेत. अंगणवाडी कार्यकर्त्यांचीही यासाठी मदत घेतली जात असून, ग्रामीण भागातील महिलांना अर्ज भरण्यासाठी त्या मदत करणार आहे.