अहमदाबाद: स्कुटर शिकवण्याच्या बहाण्याने ४० वर्षीय आरोपीने एका अल्पवयीन मुलीवर बलात्कार (rape) केला. गुजरातच्या (Gujarat) माकारबा गावात ही धक्कादायदक घटना घडली आहे. आरोपी पीडीत मुलीच्या आईचा मित्र आहे. नारोल (Narol) येथे राहणाऱ्या पीडीत मुलीच्या आईने आरोपी मित्राविरोधात सारखेज पोलीस (Sarkhej police) ठाण्यात तक्रार नोंदवली आहे. माकारबा गावातील एका निर्जन घरामध्ये रविवारी संध्याकाळी ही घटना घडली. टाइम्स ऑफ इंडियाने हे वृत्त दिले आहे.

आरोपी घोडासार येथे रहायला असून महिला त्याला आधीपासून ओळखत होती. मागच्या पाच वर्षांपासून त्याचे घरी येणे-जाणे होते, असे महिलेने तक्रारीत म्हटले आहे. रविवारी संध्याकाळी ५.३० च्या सुमारास आरोपी महिलेच्या घरी आला व त्याने महिलेला तिच्या मुलीला स्कूटर चालवायला शिकवतो असे सांगितले.

संध्याकाळी ७.३० वाजता त्याने मुलीला घरी आणून सोडले. त्यावेळी मुलगी थेट रडायलाच लागली. आईने तिला रडण्याचे कारण विचारले, त्यावेळी तिने आरोपीने माकारबा गावातील एका निर्जन घरामध्ये बलात्कार केल्याचे सांगितले.

"आरोपीने सुरुवातीला माझ्या घराजवळ स्कूटर चालवायला शिकवली. त्यानंतर त्याने मुलीला मागच्या सीटवर बसवले व निर्जन स्थळी नेऊन तिच्यावर बलात्कार केला" महिलेने पोलीस तक्रारीत हे म्हटलं आहे. काय घडलं त्याबद्दल आईला सांगितलं, तर वाईट परिणाम भोगावे लागतील, असं आरोपीने धमकावल्याचं मुलीने तिच्या आईला सांगितलं. महिला मुलीला जवळच्या रुग्णालयात घेऊन गेली तिथे तिची वैद्यकीय तपासणी करण्यात आली.