Samrat Choudhary meets Jitan Ram Manjhi: सध्या बिहारमध्ये मोठ्या राजकीय भूकंपाची शक्यता वर्तवली जात आहे. नीतिश कुमार यांनी भाजपची वाट धरली. त्यामुळे राजकीय पक्षांच्या बैठकांमध्ये लक्षणीय वाढ झाली आहे. राजकीय गोंधळ निर्माण झालेला असताना भाजपचे जेष्ठ नेते सम्राट चौधरी यांनी हिंदुस्तान आवामी मोर्चाच्या जीतम राम मांझी यांची भेट घेतली.

केंद्रीय मंत्री नित्यानंद राय यांच्यानंतर भाजप प्रदेशाध्यक्ष सम्राट चौधरी यांनी मांझी यांच्यासोबत चर्चेला सुरुवात झाली. यावेळी त्यांच्यासोबत त्यांच्या पक्षाचे आमदारही उपस्थित होते. या भेटीमुळे राजकीय चर्चांना उधाण आलंय. बिहारच्या राजकारणात जीतन राम मांझी हेच किंगमेकर राहणार, अशी चिन्ह दिसतं आहेत. सुत्रांकडून माहिती मिळतीय की मांझी यांना राजदकडून मुख्यमंत्रीपदाची ऑफर देण्यात आली आहे.

RJDने मांझी यांना मुख्यमंत्रीपदाची ऑफर दिल्यानंतर राजकीय हालचालींना वेग आला. या ऑफरमुळे भाजप प्रदेशाध्यक्षांनी मांझी यांची भेट घेतली. चौधरी यांच्यासोबत झालेल्या चर्चेनंतर मांझी यांनी आपल्या पक्षाच्या आमदारांची बैठक बोलवली. जीतन राम मांझी यांच्या पक्षाचे सध्या ४ आमदार आहे. दोन्ही पक्षांकडून देण्यात आलेल्या ऑफरनंतर मांझी काय भूमिका घेतात, याकडे सर्वांचे लक्ष आहे. (Latest Marathi News)

नित्यानंद राय यांनीही भेट घेतली

सम्राट चौधरी शनिवारी जितनराम मांझी यांच्या निवासस्थानी पोहोचले तेव्हा राजकीय चर्चांना उधाण आले. एनडीएतील घटक पक्षांना बळ देण्यासाठी बैठकांची ही फेरी सुरू असल्याचे मानले जात आहे.

दिल्लीतील अमित शाह यांच्या निवासस्थानी भाजपच्या प्रमुख नेत्यांची बैठक संपल्यानंतर मंत्री नित्यानंद राय हे गुरुवारी रात्री जीतन राम मांझी यांना भेटायला आले. दरम्यान, आरजेडीने जीतन राम मांझी यांना उपमुख्यमंत्रीपदाची ऑफर दिल्याची चर्चा जोर धरू लागली आहे. मात्र, जीतन राम मांझी यांनी ही अफवा असल्याचे सांगत एनडीएसोबत असल्याचा दावा केला आहे.(Latest Marathi News)