नवी दिल्ली : ऑल्ट न्यूजचा सहसंस्थापक मोहम्मद झुबैरला दिल्लीच्या पटियाला कोर्टानं झटका दिला आहे. त्याचा जामीन अर्ज कोर्टानं फेटाळला असून १४ दिवसांची न्यायालयीनं कोठडी सुनावली आहे. त्याच्या कोठडीची मागणी दिल्ली पोलिसांकडून करण्यात आली होती. (Delhis Patiala House Court rejects the bail plea of Alt News cofounder Mohd Zubair)

ऑल्ट न्यूजची मातृसंस्था असलेल्या प्रवदा मीडियाचा झुबैर एक संचालक असून त्यानं २ लाख रुपयांच्या देणग्या परदेशातून मिळवल्या आहेत. या देणग्या पाकिस्तान, सिरिया आणि आखाती देशांचा समावेश आहे. त्यानं याचे सर्व पुरावे अत्यंत चलाखीनं मिटवले आहेत. त्यामुळं झुबैरला जामीन देण्यात येऊ नये, अशी मागणी दिल्ली पोलिसांच्या वकिलांनी कोर्टाकडे गेली होती.

दिल्ली पोलिसांनी दावा केला आहे की, रेझरपे या पेमेंट गेटवेच्या माध्यमातून झुबैरने परदेशातून पैसा स्विकारल्याचं चौकशीत उघड झालं आहे. झुबैरच्या मोबाईलवर हे पैसे पाठवण्यात आले आहे. जिथून पैसे आले त्यामध्ये बँकॉक, अस्ट्रेलिया, स्टॉकहोम, अबुधाबी, वॉशिंग्टन, कान्सास, न्यूजर्सी, ओन्टारियो, कॅलिफोर्निया, टेक्सास, लोअर सॅक्सोनी, बर्न, दुबई, स्कॉटलंड या देशांचा समावेश आहे.