दिल्ली : दिल्लीतील इंदिरा गांधी आंतरराष्ट्रीय विमानतळावरून गुजरातमधील एक व्यक्ती, त्याची पत्नी आणि मुलगी यांना पकडण्यात आले आहे. त्यांच्याकडे कॅनडासाठीचा बनावट व्हिसा आढळून आल्याच्या कारणावरून सीआयएसएफच्या जवानांनी अटक केली. हे कुटुंब गुजरातमधील मेहसाना जिल्ह्यातील असून त्यांच्या संशयास्पद वागणुकीवरून त्यांना बुधवारी रात्री इंदिरा गांधी आंतरराष्ट्रीय विमानतळाच्या टर्मिमल-३ वरून पकडण्यात आल्याचे सांगितले आहे.

हे कुटुंब जर्मनी आणि ब्राझील मार्गे संयुक्त राष्ट्रातील सांताक्रूझला जाणार होते. प्रवासातील कागदपत्रांमध्ये विसंगती दिसून आल्याने कॅनडातील दूतावासांनी त्यांच्या देशातील व्हिसाची फेरतपासणी केली असता तीन पासपोर्टवरील व्हिसा बनावट असल्याचे आढळून आल्याचे केंद्रीय औद्योगिक सुरक्षा दलाच्या अधिकार्यांनी सांगितले.

त्या तिघांना कागदपत्रांच्या आणि त्यांच्या ठिकाणांची सखोल चौकशी करण्यासाठी परदेशी प्रादेशिक नोंदणी कार्यालयाच्या अधिकार्यांकडे सोपवले असल्याचे अधिकार्यांनी सांगितले.