सिमला : हिमाचल प्रदेशात मुसळधार पावसामुळे दरडी कोसळल्याने व अचानक आलेल्या पुरामुळे गेल्या २४ तासांपासून बंद असलेला चंडीगड-मनाली राष्ट्रीय महामार्ग अखेर वाहतुकीसाठी खुला झाला.
रविवारी संध्याकाळपासून हा महामार्ग बंद असल्याने मंडी जिल्ह्यात पर्यटकांसह शेकडोजण अडकून पडले होते. पावसाशी संबंधित विविध दुर्घटनांत आतापर्यंत नऊजणांचा मृत्यू झाला आहे.
मंडी शहरापासून ४० कि.मी. अंतरावरील खोटिनल्लाह येथे अचानक आलेल्या पुरामुळे महामार्गाचा मंडी ते कुलू हा ७० कि.मी.चा टप्पा बंद करण्यात आला होता.
त्याचप्रमाणे, सहा मैल परिसरात दरड कोसळल्याने मंडी ते पांडोह हा टप्पाही बंद केला होता. मात्र, प्रशासनाने दरडीचा ढिगारा काढून रस्ता मोकळा केला. त्यानंतर, तब्बल २४ तासांनी हा महामार्ग पुन्हा सुरू झाला.
दरम्यान, हिमाचल प्रदेशात अनेक ठिकाणी हलका ते मध्यम पाऊस सुरू असून उद्या (ता. २८) आणि परवा (ता.२९) हवामान खात्याने मेघगर्जनेसह मुसळधार पावसाचा इशारा दिला आहे. त्याचप्रमाणे शुक्रवार (ता.३०)
आणि शनिवारी (ता.१) विजांच्या कडकडाटासह पाऊस पडण्याचीही शक्यता आहे. बिलासपूरमधील बर्टिनमध्ये ६६ मि.मी, माशोब्रात ४६ मि.मी. तर गोहरमध्ये २८ मि.मी. आणि सिमल्यात २३ मि.मी. पावसाची नोंद झाली.
पावसाचा फटका
११६ - बंद रस्ते
७० - पाणीपुरवठा योजना विस्कळित
१०६ - ट्रान्सफॉर्मरचे नुकसान
१०२ - कोटी रुपयांचे एकूण नुकसान
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.