Instagram India Pakistan Love : PUBG खेळताना पाकिस्तानची सीमा हैदर भारताच्या सचिनच्या प्रेमात पडली. फेसबुकवर प्रेमात पडून भारतातली अंजु पाकिस्तानातल्या मुलाच्या प्रेमात पडली. सर्व घटना ताज्या असतांनाच अशीच अजून एक घटना भारतातून समोर आली आहे.

पाकिस्तानात पळून जाण्याच्या प्रयत्नात असलेल्या जयपूर विमानतळावर १६ वर्षीय तरुणीला पकडण्यात आले आहे. इंस्टाग्रामवर ती एका पाकिस्तानच्या मुलाच्या प्रेमात पडली होती. या १६ वर्षीय मुलीला लाहोरला जायचे होते.

अधिक माहिती अशी कि, हि मुलगी पाकिस्तानच्या अस्लम लाहोरी या मुलाच्या प्रेमात पडली होती. जयपूर विमानतळावर 16 वर्षीय तरुणीला पकडण्यात आले आहे. या मुलीला तिच्या प्रियकराने एरपोर्टला जाण्याचे सांगितले. स्वत:ला पाकिस्तानी सांगून विमानतळावर जाण्याचा सल्ला दिला. त्याच्या सांगण्यावरून तरुणीने विमानतळावर पोहोचून पाकिस्तानचे तिकीट मागितले, पण तिच्याकडे पासपोर्ट किंवा व्हिसा नव्हता.

विमानतळ स्टेशनचे प्रभारी दिग्पाल सिंह यांनी सांगितले की, सीकरमधील श्रीमाधोपूर येथील रहिवासी असलेली ही तरुणी पाकिस्तानला जाण्यासाठी कोणत्याही कागदपत्रांशिवाय शुक्रवारी जयपूर विमानतळावर पोहोचली. इंस्टाग्रामवर मैत्री झालेल्या तरुणाला भेटण्यासाठी पाकिस्तानला जाण्यासाठी विमानतळावर आल्याचे मुलीने चौकशीदरम्यान सांगितले.