पंतप्रधान नरेंद्र मोदी यांनी एका लहान मुलीचा व्हिडिओ शेअर केला असून तिचे गायन आणि वादन ऐकून तुम्हालाही समाधान वाटेल. या व्हिडिओतील चिमुलकलीचे गायन अनेक नेटकऱ्यांना आवडलं असून अनेकांनी हा व्हिडिओ सोशल मीडियावर शेअर केला आहे.

दरम्यान, व्हिडिओतील चिमुकली तिच्या आईसोबत कन्नड भाषेतील एक कवितेचे गायन करत आहे. प्रसिद्ध कवी के. एस. नृसिंह स्वामी यांनी ही कविता लिहिली असून पल्लवागाला पल्लवीयाली असं या कवितेचं नाव असून हे गाणे दक्षिणेतील प्रसिद्ध गाणे असल्याचं बोललं जातंय.

पंतप्रधान मोदींनाही या चिमुकलीच्या गायनाची भुरळ पडली असून त्यांनी आपल्या अधिकृत ट्वीटरवरून हा व्हिडिओ शेअर केला आहे. हा व्हिडिओ आपल्या चेहऱ्यावर हसू आणेल असं यामध्ये लिहिलं आहे. शाल्मली असं या चिमुकलीचं नाव असून पंतप्रधान मोदींनी तिच्या गायनासाठी शुभेच्छा दिल्या आहेत.