मैनपुरी : एक महिला पतीसोबत राहत होती. घराच्या बाजूला तिचा प्रियकरही राहत होता. मात्र, पतीला प्रियकराबद्दल काहीही माहीत नव्हते. महिलेला पती आणि प्रियकर (Love Affair) दोघांपैकी एकालाही सोडायचे नव्हते. प्रियकर तिच्या पतीला कामात मदत करीत असे. एकेदिवशी महिलेचा पती गावात सुरू असलेले भागवत ऐकायला गेला. यानंतर प्रियकर महिलेच्या घरात आला. याची माहिती पतीला मिळाली. पती वाटेतूनच घरी आल्यावर त्यांना नको त्या अवस्थेत बघितले. ही घटना उत्तर प्रदेशात घडली.

पती आणि प्रियकराला नको त्या अवस्थेत पाहून दोघांनाही बेदम मारहाण केली. त्यानंतर तिघेही पोलिस ठाण्यात पोहोचले. महिला पती आणि प्रियकराला सोडण्यास तयार नव्हती. पोलिसांच्या चौकशीत महिलेने सांगितले की, १३ वर्षांपूर्वी तिचे लग्न झाले. त्यांना तीन मुले आणि एक मुलगी आहे. तसेच १३ वर्षांपासून ती प्रियकराशी (Lover) संबंध ठेवत आली आहे.

तीन महिन्यांपासून प्रियकर (Lover) महिलेच्या पतीसोबत एकाच घरात राहत आहे. प्रियकर शेतीचे काम करतो. तुला प्रियकरासोबत राहायचे आहे की पतीसोबत असे पोलिसांनी महिलेला विचारले. यावेळी तिने दोघांसोबत राहण्याचा हट्ट धरला. यानंतर पोलिसांनी पती आणि प्रियकरावरच कारवाई केली.

दुसऱ्या घटनेत शाहजहांपूर जिल्ह्यातील बांदा येथे वीस दिवसांपूर्वी प्रियकरासोबत गेलेल्या विवाहितेला पोलिसांनी ताब्यात घेतले. मात्र, विवाहिता प्रियकरासोबत जाण्याच्या आग्रहावर ठाम राहिली. बांदा परिसरातील गावातील तरुणाचे शेजारील विवाहितेसोबत दोन वर्षांपासून प्रेमसंबंध (Love Affair) होते. १७ मे रोजी ती प्रियकरासोबत निघून गेली. पत्नीला शोधण्यासाठी पतीने पोलिसांकडे दाद मागितली. शनिवारी बांदा पोलिसांनी २० दिवसांनंतर प्रियकर आणि प्रेयसीला ताब्यात घेतले. मात्र प्रेयसी प्रियकरासोबत जाण्यावर ठाम आहे.