नवी दिल्ली: दोघांचे एकमेकांवर प्रेम होते. पण, युवकाचे दुसऱया युवतीसोबत विवाह ठरल्यानंतर त्याने पहिल्या मैत्रिणीचा काटा काढण्याचे ठरवले. आपण लॉंग ड्राईवला फिरायला जाऊ असे सांगून गेला आणि तिचा खून केल्याची घटना उघड झाली आहे.
पोलिसांनी दिलेल्या माहितीनुसार, दोघांचे अनेक वर्षे प्रेमसंबंध होते. पण, युवकाचे दुसऱया युवतीसोबत विवाह ठरला होता. यानंतर प्रेयसीला तो टाळू लागला. प्रियकराचा विवाह ठरल्याचे तिला माहित नव्हते. प्रेयसीचा अडथळा दूर करण्यासाठी त्याने तिला लॉंग ड्राईवला फिरायला जायचे का म्हणून विचारले. तिनेही तत्काळ होकार दिला. दिल्लीवरून दोघेजण मोटारीतून उत्तर प्रदेशातील रामपूर जिल्ह्यात गेले होते. तिथे गेल्यानंतर त्याने युवतीचा गळा कापून खून केला आणि मृतदेह फेकून दिल्यानंतर परत माघारी परतला. युवती बेपत्ता झाल्याची तक्रार कुटुंबियानी दाखल केली होती. युवतीचा मृतदेह मिळाल्यानंतर तो प्रियांका (वय 23) नावाच्या युवतीचा असल्याचे समजले. पुढील चौकशी केल्यानंतर तिचा खून हॅप्पी नावाच्या प्रियकराने केल्याचे समजले. त्याला ताब्यात घेतल्यानंतर त्याने खुनाची कबुली दिली.
पोलिस अधिकारी परमिंदर सिंह यांनी सांगितले की, दक्षिण दिल्लीमधील आंबेडकर नगर येथील रहिवासी असलेल्या प्रियांकाचा खून केल्याप्रकरणी हिरा सिंह ऊर्फ हॅप्पीला ताब्यात घेण्यात आले असून, पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.